Plagosi me thikë në qafë 59-vjeçarin pas një konflikti çasti në Korçë, arrestohet autori

Një konflikt i çastit ka degjeneruar në përdorimin e armëve të ftohta pasditen e sotme në qytetin e Korçës, duke shkaktuar plagosjen e një personi. 

Ngjarja ka ndodhur në afërsi të postës së qytetit, ku një 65-vjeçar ka sulmuar me mjet prerës (thikë) një shtetas tjetër, të moshës 59 vjeç.

Si pasojë e përleshjes, 59-vjeçari ka marrë një plagë të lehtë në pjesën e qafës. 

Ai është transportuar menjëherë drejt spitalit për të marrë ndihmën mjekësore dhe, sipas bluzave të bardha, fatmirësisht ndodhet jashtë rrezikut për jetën.

 Vetëm pak minuta pas ngjarjes, shërbimet e Komisariatit të Policisë Korçë kanë bërë të mundur lokalizimin dhe kapjen e autorit të dyshuar, shtetasit me iniciale N.H.

Korçë

Plagosi me thikë një shtetas gjatë një konflikti për motive të dobëta, kapet pas 3 orësh autori i dyshuar i ngjarjes.

Rreth orës 18:40, në rrugën “Edit Durham”, Korçë, shtetasi N. H., 67 vjeç, dyshohet se gjatë një konflikti për motive të dobëta ka goditur me mjet prerës (thikë) shtetasin A. F., 59 vjeç, i cili po merr mjekim në spital dhe është jashtë rrezikut për jetën.

Shërbimet e Policisë bënë të mundur që, pas tre orësh kërkimesh, të lokalizojnë, kapin dhe shoqërojnë në Komisariat, për veprime të mëtejshme, 67-vjeçarin.

Ndërkohë, grupi hetimor, në bashkëpunim me Prokurorinë, vijon punën për zbardhjen dhe dokumentimin e plotë të rrethanave të rastit.