Aksident me pasojë një person të plagosur është regjistruar paraditen e kësaj të mërkure në qytetin bregdetar të Vlorës.
Ngjarja ka ndodhur rreth orës 10:15, në aksin rrugor Vlorë - Kotë, ku automjeti tip “Ford”, me drejtues shtetasin E. Z., 44 vjeç, banues në Tiranë, ka aksidentuar shtetasin J. D., 48 vjeç, këmbësor.
Menjëherë pas përplasjes 48-vjeçari është dërguar për mjekim në Spitalin Rajonal Vlorë dhe fatmirësisht ndodhet jashtë rrezikut për jetën.
Me drejtuesin e automjetit po kryhen veprimet procedurale. Grupi hetimor po punon për sqarimin e rrethanave të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
