Një shtetas shqiptar është arrestuar nga autoritetet angleze, pasi u kap me lëndë narkotik të llojit kanabis që arrinte në vlerën e 85.000 paundëve. Pas arrestimit, gjykata në Angli e ka dënuar shqiptarin me 18 muaj burg. Altin Boriçi, 38 vjeç, banor në Birmingam, Angli, u shpreh se vendimi për të qenë një korrier droge ishte gabimi më i madh i jetës së tij.
Oficerët e policisë gjetën në makinën e 38-vjeçarit 25 kilogramë kanabis. Në dëshminë e tij, Boriçi, baba i dy fëmijëve, tha se paguhej 1250 paund si korrier.
Sipas avokatit të tij mbrojtës, Boriçi u largua nga vendi i tij në vitin 1999 dhe u bë nënshtetas britanik. “Ai është një i vetëpunësuar si pastrues xhamash dhe gjatë pandemisë, biznesi i tij pati vështirësi”, ka thenë avokati. Më tej, ai shtoi se për shkak të problemeve financiare, një mik e prezantoi Boriçin me dikë që i propozoi të fitonte 50 paundë për çdo kilogramë të transportuar drejt Skocisë. 38-vjeçari ka shprehur pendesë për veprën e paligjshme, por kjo nuk e ka shmangur dënimin me burg.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
