Një person është plagosur rëndë ditën e sotme në Fushë-Arrëz gjatë një operacioni policor për asgjësimin e bimëve narkotike. Burime nga policia bënë me dije se ngjarja ka ndodhur në fshatin Lajthizë të Fushë-Arrëzit ku një person i cili po ndiqej nga policia si i dyshuar për kultivim bimësh narkotike, në tentativë për t’i shpëtuar efektivëve, ka rënë në një humnerë.
I plagosuri, identiteti i të cilit ende nuk bëhet me dije, aktualisht gjendet në spitalin e Fushë-Arrëzit dhe pritet të transportohet me helikopter në spitalin e traumës në kryeqytet për një ndihmë më të specializuar mjekësore.
Ndërsa burime zyrtare theksuan se që prej mesditës së sotme në pyjet e Gosës është ndërmarrë një aksion antidroge.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
