Një zjarr i rënë mbrëmjen e djeshme për pak sa nuk u kthye në tragjedi për anëtarët e katër familjeve Sula, Fikaj, Hasa dhe Bregaj në fshatin Golem të njësisë Rrethina në Shkodër.
Zjarri ka shkrumbuar banesat e tyre në pak minuta, ku ndonëse ndërhyrja e shërbimit zjarrfikës nuk ka vonuar, shuarja e flakëve ka qenë e pamundur. Fatmirësisht nuk pati të lënduar por dëmet materiale janë të mëdha.
Siç njofton korrespodenti i MCN tv nga Shkodra, mësohet se katër familje që jetonin në atë godinë kanë mbetur të pastreha.
Në vendin e ngjarjes ditën e sotme ka mbërritur edhe një grup i ekspertizës nga Drejtoria Vendore e Policisë Shkodër dhe ka nisur hetimet e plota në lidhje me shkaqet e rënies së zjarrit. Sipas familjarëve ka dyshime se shkak të jetë bërë shkëndija elektrike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
