Një aksident i rëndë ka ndodhur mesditën e sotme në aksin rrugor Peqin-Elbasan, pranë fshatit Gjocaj. Sipas informacioneve të policisë, ngjarja u shënua rreth orës 12:50.
Në aksident janë përfshirë një autoveturë dhe një motoçikletë. Sipas burimeve nga vendi i ngjarjes mësohet se përplasja mes tyre ka qenë mjaft e fortë.
Për pasojë drejtuesi i motoçikletës ka pësuar dëmtime të shumta dhe është transportuar për në spital. Nuk janë të qarta rrethanat dhe shkaqet që çuan në aksidentin e rëndë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
