Një vatër e madhe zjarri ka rënë pasditen e së enjtes në fshatin Vjollcë (Malaj), në njësinë administrative të Mirditës.
Sipas autoriteteve, flakët kanë përfshirë një sipërfaqe të konsiderueshme pylli me pisha.
Menjëherë pas marrjes së njoftimit, forcat zjarrfikëse janë nisur drejt zonës, por për shkak të erës së fortë dhe terrenit të thepisur malor, zjarri është përhapur me shpejtësi dhe ka qenë i vështirë për t'u izoluar.
Pavarësisht përpjekjeve të vazhdueshme, zjarrfikësit nuk kanë arritur ende të vënë zjarrin nën kontroll, pasi flakët kanë avancuar në një zonë të paarritshme për mjetet zjarrfikëse.
Forcat ndodhen ende në terren dhe ndërhyrja po vijon me mjete të kufizuara, duke u përballur me vështirësi të mëdha logjistike për shkak të aksesit të kufizuar në zonë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
