Një automjet është përfshirë nga zjarri pasditen e sotme në afërsi të rrugës nacionale Gjirokastër-Tepelenë, në vendin e quajtur “Mashkullorë”. Mjeti ishte në ambientet e biznesit të shtetasit A. P., 43 vjeç në momentin që ka marrë flakë dhe është djegur plotësisht.
Burime nga Policia bënë të ditur se furgoni, tip “Benz”, në momentin e përfshirjes nga flakët ka qenë i parkuar.
Nga veprimet e para hetimore dyshohet se zjarri është shkaktuar aksidentalisht. Në vendngjarje ndodhet grupi hetimor dhe po punon për sqarimin e rrethanave të situatës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
