Tre persona kanë mbetur të plagosur si pasojë e një aksidenti të ndodhur në aksin rrugor Laç-Mamurras.
Dy makina janë përplasur me njëra tjetrën pranë fshatit Gjorm, çka ka bërë që tre persona të mbeten të lënduar.
Nga të dhënat paraprake bëhet e ditur se të plagosurit ndodhen në gjendje të rëndë dhe janë dërguar në spitalin e Traumës në Tiranë.
Në vendngjarje ka mbërritur policia e cila po heton për të hedhur dritë mbi shkaqet e aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
