Një punonjës policie në Korçë ka pësuar dëmtime në kokë, teksa ka qenë në detyrë për kontrollin e territorit për kultivimin e kanabisit.
Rreth orës 13:00, në fshatin Voskop, Korçë, punonjësit të Komisariatit të Policisë Korçë, shtetasit Artion Ropi, të planizuar për kontrollin e territorit, me qëllim parandalimin e kultivimit të bimëve narkotike, gjatë kohës që kryente shërbimin, i janë shfaqur probleme shëndetësore dhe për pasojë, është rrëzuar në rrugë dhe ka pësuar frakturë në kokë.
Burime për MCN bëjnë të ditur se punonjësi i policisë së komisariatit të Korçës Artion Ropi, rreth 55 vjeç, ka shfaqur probleme me tensionin duke u rrëzuar në asfalt dhe për pasojë ka marrë dëmtime në pjesën e pasme të kokës.
Efektivi u transportua menjëherë drejt Tiranës, ku burime nga spitali konfirmojnë se është jashtë rrezikut për jetën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
