Një konflikt për motive të dobëta mes dy adoleshentëve ka vënë në lëvizje autoritetet policore në Krumë të Kukësit.
Ngjarja ka ndodhur paraditen e së hënës në oborrin e gjimnazit, ku dy nxënës të së njëjtës klasë janë përfshirë në një sherr që ka degraduar në përdorimin e një mjeti të vogël prerës.
Sipas njoftimit zyrtar të Policisë, i mituri i lënduar ka marrë menjëherë ndihmën e nevojshme mjekësore dhe më pas është larguar për në banesë, fatmirësisht pa lëndime serioze.
Veprimet janë kryer në prani të prindërve dhe psikologut. Rasti, përveçse ligjërisht, është trajtuar edhe me prindërit e dy të miturve dhe me stafin pedagogjik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
