51-vjeçari Agron Rehfeldt, banues në Prishtinë, ishte i shpallur në kërkim ndërkombëtar për grabitje me armë, ndërkohë që sot është arrestuar nga Policia në Morinë.
Policia në njoftimin e saj, thotë se A. R, banues në Prishtinë u ndalua në hyrje të pikës kufitare pas shkëmbimit të informacionit me Interpol Tiranën.
Gjatë përpunimit dhe verifikimit të të dhënave në sistem, ka rezultuar se Interpol Abu Dhabi, Emiratet e Bashkuara Arabe, kanë lëshuar ndaj tij urdhër-arrestin për veprën penale “Grabitje me armë.”
Në përfundim të veprimeve hetimore, specialistët e Sektorit për Hetimin e Krimit në DVP Kukës bënë arrestimin provizor të 51-vjeçarit, me qëllim ekstradimin e tij drejt Emirateve të Bashkuara Arabe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
