Një 66-vjeçar shqiptar është plagosur me një plumb në kokë, në rrethana ende të paqarta. Mustafa Hasi është shtruar në spitalin e Foggia-s me plagën e një arme zjarri, ndërsa autori mbetet ende i paidentifikuar, shkruajnë mediat italiane.
Gjendja e të plagosurit është e rëndë. Sipas të dhënave të para, ngjarja ka ndodhur në mjediset e një vile në Borgo Cervaro. Ka qenë pronari i kësaj të fundit që ka konstatuar se Hasi ishte plagosur dhe ka lajmëruar menjëherë policinë.
Hetimet e para nxorën se arma me të cilën është kryer krimi është një pistoletë e kalibrit 7.56. Mjekët duhet të kryejnë një ndërhyrje tepër delikate për të nxjerrë plumbin. Ndërkohë, policia po merr në pyetje persona që kanë frekuentuar vilën ku ndodhi ngjarja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
