Teksa në Hagë nisi gjykimi ndaj krerëve të ish-UÇK-së, paraprakisht dje në Prishtinë dhe sot në Hagë u mbajtën tubime solidariteti.
Kryeministri Edi Rama përcolli sot pamje nga Marshimi për Drejtësi që u mbajt dje në Prishtinë, ndërsa sot me tubim solidariteti nga shqiptarët e Diasporës në Hagë.
“Liria ka emër”, tha kryeministri ndërsa ndau në rrjetet sociale pamje nga Prishtina dje dhe Haga sot, që tregojnë pjesëmarrje masive të qytetarëve në mbështetje të ish-luftëtarëve të UÇK-së.
Ish-krerët e UÇK-së, Hashim Thaçi, Kadri Veseli, Rexhep Selimi e Jakup Krasniqi po akuzohen me pretendimin për krime lufte dhe të njëjtit po qëndrojnë në paraburgim prej nëntorit të vitit 2020.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
