Diplomati Roland Bimo, për alarmin e sigurisë nga ambasada amerikane në Tiranë, lidhur me sulmet e mundshme nga Irani në Shqipëri dhe në kampin e opozitës iraniane në Manzë, MEK, thotë se instruksionet vijnë nga Uashingtoni.
Duke folur për emisionin “Zonë e Lirë” të Arian Çanit në MCN TV, ai shprehet se është për t’u shqetësuar një paralajmërim i tillë.
Sikur të mos vinte nga ambasada e SHBA dhe të mos bëhej fjalë për gjëra kaq delikate, nëse jepet ky kërcënim instruksionet janë nga Uashingtoni, nga DASH. Nuk di nëse në kryeqytetet e shteteve të tjera është e njëjta situatë.
Janë shumë shqiptarë që mendojnë njësoj si unë. Shqetësohen SHBA se mund të ndodhë diçka në vendin më pro-amerikan në botë. Është për tu shqetësuar. Zotërinjtë që janë në Manzë nuk përbëjnë asnjë rrezik për regjimin në Iran.
Objektivat, asetet amerikane në Shqipëri nuk janë të një natyre sa do shqetësonin aq shumë Iranin, sa do duhet të kryente akte terroriste për t’i nxjerrë jashtë loje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
