Gjykata e Tiranës ka caktuar masën e sigurisë “arrest me burg” për Filip Shehun, 41 vjeç, i cili vrau me thikë kolegun e tij, Indrit Ismaillarin, kuzhinier në një lokal në zonën e Komunës së Parisit.
Gjatë seancës gjyqësore, Shehu ka deklaruar para togave të zeza se ishte ofenduar dhe ngacmuar vazhdimisht në punë nga kolegu i tij, duke pretenduar se kjo ishte arsyeja që e shtyu drejt krimit.
Avokati mbrojtës, Ilir Murati, ka kërkuar që ndaj klientit të tij të vendoset masa e sigurimit “shtrim i detyrueshëm në spital psikiatrik”, duke theksuar se ngjarja ka ndodhur në kushtet e tronditjes së rëndë psikike. Ai ka paraqitur në gjykatë dokumentacion që provon se Shehu kurohej prej 13 vitesh për çrregullim bipolar, që nga viti 2013.
41-vjeçari është i divorcuar dhe ka një fëmijë.
Hetimet vijojnë për të përcaktuar rrethanat e plota të ngjarjes tragjike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
