Sahatet e një pallati në Lezhë përfshihen nga flakët, banorët në panik

Sahatet e një pallati në Lezhë kanë marrë flakë gjatë natës për shkak të një shkëndije elektrike në paketën e tyre.

Kabina e matësve elektrikë, e ndodhur brenda hyrjes së pallati në bulevardin Gjergj Fishta në Lezhë u përfshi nga flakët e zjarrit gjatë natës, duke shkaktuar dhe panik tek banorët.

Flakët që shpërthyen në pallat fatmirësisht u vunë nën kontroll shpejtë nga forcat zjarrfikëse, pa u përhapur në të gjithë objektin në të cilin jetojnë shumë familje.

Për shkak të këtij defekti u ndërpre energjia elektrike në zonë, ku mungesa e saj zgjati për disa orë deri në neutralizimin e flakëve brenda kabinës së matësve elektrik.

Nga zjarri nuk pati asnjë të lënduar dhe me vënin në kontroll të flakëve në kohë të shpejtë nuk ishte e nevojshme as evakuimi i banorëve.