Një automjet i tonazhit të rëndë është përfshirë në një aksident të frikshëm në rrugën kombëtare Përrenjas -Librazhd mëngjesin e kësaj të marte.
Ngjarja ka ndodhur rreth orës 06:45, ku automjeti fillimisht gjatë ecjes është anuar në të majtë të drejtimit të lëvizjes dhe si rezultat i shpejtësisë është përmbysur në të gjithë gjerësinë e rrugës në vendin e quajtur “Ura e Xhyrës”.
Dëshmitarët të cilët ndodheshin në anë të rrugës kanë përjetuar momente tmerri pasi vendi ku ndodheshin shërben edhe si “stacion” për pasagjerë në këtë aks rrugor, por fatmirësisht nuk ka pasur të lënduar.
Ndërkaq kamioni ka paralizuar qarkullimin rrugor, ndërsa policia ka mbërritur në vendngjarje dhe po hetohen shkaqet që sollën aksidentin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
