Teksa sot shënohet 555 vjetori i vdekjes se Heroit Kombëtar, Gjergj Kastrioti Skënderbeut, kryetarja e Kuvendit Lindita Nikolla , përmes një mesazhi, thotë se Skënderbeu i bëri shqiptarët, ndër popujt themeltar evropianë.
555-vjet më parë, me vdekjen e Heroit Kombëtar, Gjergj Kastrioti Skënderbeut, në mes të acarit dimëror dhe rrethimeve të pushtuesve, shqiptarët mbetën pa kryeprincin, pa udhëheqësin politik dhe ushtarak, pa ideatorin dhe inspiruesin e bashkimit kundër Perandorisë Osmane.
Nikolla u shpreh se Skënderbeu, të cilin Papa Callisto III e mbiquajti Atleti i Krishtit dhe Mbrojtësi i Besimit, si edhe luftrat e tij, që u bënë parzmore e Evropës, Krishtërimit dhe Qytetërimit, janë “origjina prej nga nisi ndërtimi i identitetit të shqiptarëve”.
Skënderbeu ka frymëzuar artistë të shquar botërorë, si Rembrandi, Llongfellou dhe Vivaldi.
Mbi njëmijë libra e vepra të tjera janë shkruar për figurën e tij. Arkitekt i unitetit dhe kohezionit të shqiptarëve në luftën kundër pushtuesve, në të fundit fjalim të tij Ai na la një porosi të madhe: ‘S’ka asnjë shtet aq të fuqishëm dhe aq të shëndoshë që të mos shembet, kur i lëshon vendin mërive dhe grindjeve’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
