Një 26-vjeçar shqiptar është arrestuar nga autoritetet italiane, pasi ka rezultuar në kërkim nga Prokuroria Publike e Milanos. Sipas mediave të huaja, i riu shqiptar ishte dënuar me dy vite e gjashtë muaj burg për dëmtime pronash dhe vjedhje të kryera në komunën e Vanzagos në vitin 2014. Ai u arrestua mbrëmjen e 16 Tetorit, në kohën kur policia në Gallarate gjatë një kontrolli të zakonshëm ka rënë në gjurmët e dy djemve të rinj, të cilët po ecnin në një rrugë pa njerëz, larg zonës së frekuentuar zakonisht për “jetë nate”.
Pas identifikimit të dy të rinjve ata konstatuan se 26-vjeçari nga Shqipëria ishte në kërkim. Për të ishte lëshuar nga Prokuroria Publike e Gjykatës së Milanos një urdhër ekzekutimi, sipas të cilit shqiptari duhet të ishte në burg duke vuajtur dënimin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
