Komisioni i Pavarur i Kualifikimit konfirmoi në detyrë gjyqtarin e Gjykatës së Tiranës, Sokol Pasho.
KPK njofton se pas shqyrtimit të dokumentacionit dhe zhvillimit të seancës dëgjimore në datën 15.12.2022, për subjektin e rivlerësimit, Sokol Pasho bazuar në ligjin nr. 84/2016, vendosi: Konfirmimin në detyrë të subjektit të rivlerësimit, Sokol Pasho gjyqtar në Gjykatën e Rrethit Gjyqësor Tiranë.
Në seancë u vu në dukje se gjyqtarit i ishte kaluar barrë prove në lidhje me një bilanc negativ prej 330 mijë lekë dhe pyetje mbi mosdeklarimin e gjendjeve cash deri në vitin 2010 të përdorura në blerjen e një apartamenti.
Pasho i kundërshtoi dy gjetjet, por në tërësi vlerësoi hetimin si “objektiv dhe të paanshëm”.
Sokol Pasho ka punuar në pozicione drejtuese në Ministrinë e Drejtësisë në vitet 2003-2008 si dhe këshilltar në institucionin e Avokatit të Popullit në vitet 2011-2013. Në vitin 2013, Pasho është rikthyer në Ministrinë e Drejtësisë, ndërsa prej vitit 2016 punon si gjyqtar pranë Gjykatës së Tiranës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
