Me rikthimin e reshjeve të dëborës në disa zona të vendit, duket se janë kthyer edhe vështirësitë ne qarkullim në disa akse rrugore.
Në një komunikim për “MCN live”, prefekti i qarkut të Dibrës, Nexhmedin Shehu, thotë se zona e Lurës, veçohet me vështirësi në qarkullim, ku përgjatë dy orëve te fundit është prekur nga stuhia e dëborës.
“Kryesisht akset nacionale janë në kalueshme në Bulqize, Peshkopi, por vazhdojnë reshjet e dëborës në zonën e Gollobordës, Lurë, Kala, ka borë, vështirësi ka por të menaxhueshme dhe të kalueshme me goma dimërore dhe zinxhir. Vështirësia më e madhe është krijuar në zonën e Lurës. Poashtu edhe ka pasur ndërprerje të furnizimit me energji elektrike në Lurë dhe po punohet për kthimin e gjendjes në normalitet.
Poashtu prefekti Shehu, thotë se nga kjo gjendje e rrugëve janë bllokuar edhe tre makinë në zonën e Lurës.
“Tre makina janë të bllokuara, në këtë aks rrugore, firmat kontraktore janë përgjigjur që në 2 të natës, po hedhin kripë, por është një zonë mbi 150 m mbi nivelin e detit, dhe rruga aty është e vështirë në verë, e jo më në dimër. Ne tani jemi në komunikim për tu ardhur në ndihmë këtyre makinave, me emergjencat civile.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
