Sherr mes të rinjve shqiptarë në Athinë, vritet 23-vjeçari

Një i ri shqiptar u vra gjatë një sherri mes të rinjsh në sheshin “Exarchia” në Athinë. Ngjarja ndodhi mbrëmjen e së mërkurës.

Viktima është 23-vjeçari shqiptar Mihal Kapurani, nga Korça. I riu është konfliktuar me tre bashkëkombas të tij për shkaqe ende të panjohura. Sherri ka degjeneruar në përdorimin e mjeteve të forta dhe thikës.

I riu shqiptar ndërroi jetë në spital, ku u dërgua për të marrë ndihmën mjekësore për plagët e shkaktuara nga bashkëkombësit e tij.

Autoritetet greke kanë indentifikuar autorët e vrasjes. Njëri prej tyre është një shtetas shqiptar me origjinë nga Përmeti, i cili jetonte në Athinë. Ndërsa dy të tjerët janë të rinj me banim në Shqipëri, por që ndodheshin në shtetin fqinj prej disa ditësh.