Një apartament është përfshirë nga flakët pasditen e kësaj të hëne në lagjen “Dyli Haxhire” në Elbasan, duke shkaktuar momente paniku te banorët e pallatit.
Sipas informacioneve paraprake, nga banesa kanë dalë shtëllunga të dendura tymi, të cilat janë përhapur me shpejtësi në ambientet e përbashkëta, duke alarmuar familjet që jetojnë në ndërtesë.
Fatmirësisht, në momentin e rënies së zjarrit nuk ka pasur persona brenda në apartament, çka ka shmangur pasoja në njerëz.
Forcat zjarrfikëse kanë mbërritur menjëherë në vendngjarje dhe po punojnë për izolimin dhe shuarjen e flakëve.
Ndërkohë, shkaqet e zjarrit mbeten ende të paqarta, ndërsa pritet që hetimet të zbardhin plotësisht rrethanat e ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
