Gazetari i njohur amerikan Larry King ka vdekur në moshën 87 vjeçare, njoftoi CNN.
Ai kishte dalë pozitiv për Covid-19 në fillim të këtij muaji dhe po trajtohej në spital në Los Angeles.
King, karriera e të cilit zgjati më shumë se gjashtë dekada, kishte diabet tip 2 dhe kishte vuajtur nga kanceri i mushkërive, angina dhe sulme në zemër në vitet e fundit.
King fitoi vlerësime të shumta, duke përfshirë dy Çmime Peabody dhe një Emmy, në karrierën e tij, që zgjati mbi 60 vjet.
Fama e tij filloi në vitet 1970 me programin e tij në radio The Larry King Show.
Ai pastaj vazhdoi të ketë shfaqjen e tij televizive, Larry King Live në CNN, midis 1985 dhe 2010, ku të ftuarit e tij përfshinin politikanë, njerëz të famshëm, yje sportivë dhe teoricienë të njohur të konspiracionit.
King udhëhoqi "Larry King Live" në CNN për më shumë se 25 vjet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
