“Target” u kodua një operacion i policisë së Korçës, gjatë të cilit u vu në pranga një person i cili lëvizte me armë zjarri pistoletë.
Si rezultat i operacionit, shërbimet e Policisë kanë ushtruar kontroll në lagjen nr. 9, në një lokal, në ambientet e të cilit u konstatua shtetasi Andi Qeraxhi, i cili dyshohej se ishte i armatosur.
Ky shtetas, sapo vuri re forcat e policisë, ka tentuar të largohej me shpejtësi, me qëllim që të shmangte kapjen, por u kap dhe neutralizua.
Nga kontrolli fizik, shërbimet e policisë gjetën dhe sekuestruan, në cilësinë e provës materiale, 1 armë zjarri pistoletë me krehër, municion luftarak dhe një shumë parash.
Në përfundim të veprimeve procedurale, u arrestua në flagrancë shtetasi Andi Qeraxhi, 31 vjeç, banues në Korçë, për veprën penale “Mbajtja pa leje dhe prodhimi i armëve, armëve shpërthyese dhe municionit”.
I arrestuari, me precedent të mëparshëm penal në fushën e krimeve kundër personit, armëmbajtjes pa leje, prodhimit dhe shitjes së narkotikëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
