Shefi i Krimeve në Komisariatin numër 1 në Tiranë, është pezulluar nga detyra për 30 ditë për komunikim joetik në grupet e punës. Policia e Shtetit bën të ditur se kjo masë ndaj tij është marrë nga Drejtoria e Standardeve Profesionale, ndërsa komisari R. D., akuzohet për shkelje të rëndë disiplinore.
Në komunikimet e publikuara në rrjete sociale, shefi i krimeve R. D., pas njoftimit të dhënë tek kolegët e tij për verifikimin e një rasti në kryeqytet, janë shkëmbyer mesazhe joetike mes tyre.
Njoftimi i policisë:
Në lidhje me një postim në rrjetet sociale, në të cilin pasqyrohet komunikimi joetik në një grup komunikimi në platformën ËhatsApp, midis disa punonjësve të Policisë të Komisariatit të Policisë Nr. 1, Tiranë, ju bëjmë me dije se:
Menjëherë pas marrjes dijeni, Drejtoria e Standardeve Profesionale në Drejtorinë e Përgjithshme të Policisë së Shtetit ka pezulluar nga detyra, për një periudhë 30-ditore, Shefin për Krimet në Komisariatin e Policisë Nr. 1, në DVP Tiranë, Komisar R. D., për shkelje të rëndë disiplinore, të parashikuar nga neni 204 i rregullores së Policisë së Shtetit.
Gjithashtu, Drejtoria e Standardeve Profesionale në Policinë e Shtetit, nën drejtimin e AMP-së, vijon punën për kryerjen e një hetimi të plotë administrativ për këtë rast.
Policia e Shtetit është e vendosur për të ndëshkuar cilindo punonjës policie që cenon imazhin e Policisë dhe besimin e qytetarëve te Policia e Shtetit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
