Një rrjet shqiptarësh të organizuar në kultivimin e marijuanës është zbuluar në Spanjë. Sipas mediave spanjolle, operacioni i udhëhequr nga Garda Civile dhe me mbështetjen e Policisë Lokale Mataró është zhvilluar në një magazinë industriale në rrugën Pablo Iglesias, në zonën industriale Pla d'en Boet, ku kanë sekuestruar më shumë se 3000 bimë marihuanë. Përgjegjësit e plantacionit, dy prej të cilëve janë arrestuar, janë pjesë e një rrjeti të organizuar shqiptarësh.
Përveç sekuestrimit të parave dhe materialeve të ndryshme të destinuara për të mirëmbajtur një plantacion marijuanë, rreth 3000 bimë marihuanë janë marrë në një kamion që do të kalonte nëpër dhomën e tharjes për t'u shitur në tregun e zi. Fitimi llogaritet se do të kapte vlerën 450 000 euro.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
