Një ngjarje e rëndë është regjistruar mesditën e kësaj të premte ku një grua është hedhur nga pallati bashkë me foshnjën e saj.
Burime për MCN bëjnë me dije se është hedhur nga pallati një grua 34 vjeçe bashkë me fëmijën e saj 1 vjeç.
Ngjarja ka ndodhur në lagjen 'Pavarësia', ndërsa sipas të dhënave paraprake thuhet se të dy kanë humbur jetë.
Nëna është hedhur nga sheshpushimi i katit të pestë të një pallati që nuk banonte.
Sot më datë 26.11.2021, rreth orës 12:30, në lagjen "Pavarësia 2", shtetasja P. M., 34 vjeçe, dyshohet se është hedhur së bashku me fëmijën e saj të mitur K. N., 1 vjeç, nga sheshpushimi i katit të një pallati dhe për pasojë kanë ndërruar jetë.
Në vendngjarje ndodhet grupi hetimor dhe po punon për zbardhjen e plotë të rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
