Një aksident ka ndodhur pasditen e sotme në rrugën “5 Maji” në Tiranë, ku një 26-vjeçar duke udhëtuar me motomjet është përplasur me një makinë policie. Sipas uniformave blu, si pasojë e aksidentit është dëmtuar 26-vjeçari dhe pasagjeri që ai kishte në mjet, si dhe drejtuesi i makinës së policisë. Të plagosurit janë transportuar në spital për të marrë mjekim më të specializuar dhe ndodhen jashtë rrezikut për jetën.
“Më datë 24.08.2021, rreth orës 14:44, në rrugën “5 Maji”, shtetasi E. T., 26 vjeç duke drejtuar motomjetin ka humbur kontrollin e tij, dhe ka dëmtuar mjetin e policisë me drejtues punonjësin e policisë R. T., 30 vjeç. Si pasojë janë dëmtuar të dy drejtuesit e mjeteve dhe pasagjeri në motomjet, të cilët u dërguan në spital, jashtë rrezikut për jetën”, njofton policia.
Grupi hetimor ndodhet në vendngjarje dhe po punon për sqarimin e rrethanave të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
