Drejtoria Vendore e Policisë Berat bëri të ditur se, pas informacionit të dhënë pasditen e djeshme për humbjen e jetës së shtetasit R. H., dyshohet se shkaku i vdekjes ka qenë rrëzimi nga kati i tretë i një pallati në ndërtim, ku ai po punonte.
Shërbimet e Komisariatit të Policisë Berat kryen menjëherë verifikimet e nevojshme pas ngjarjes.
Pas përfundimit të hetimeve, u shpallën në kërkim administratorët e firmës së ndërtimit, shtetasi T. N., 65 vjeç, dhe nisi procedimi në gjendje të lirë për teknikun e ndërtimit të kësaj firme, shtetasin S. B., 69 vjeç, për veprën penale “Shkelja e rregullave të mbrojtjes në punë”.
Aktualisht, policia po punon për kapjen e 65-vjeçarit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
