Arrestohet i riu Kristjan Kelmendi, 20 vjeç, si i dyshuar për vrasjen e ish-deputetit Pashko Ujka.
Burime për MCN bëjnë me dije se 20-vjeçari dyshohet se ka shenja baruti në duar dhe gjithashtu dyshohet për një borxh të pashlyer të ish deputetit ndaj 20-vjeçarit për një apartament.
Policia dhe prokuroria vijojnë hetimet.
Kujtojmë se Ujkës i është bërë pritë pranë shtëpisë së tij, në lagjen “Vasil Shanto” në Shkodër. Ai mori plagë në shtyllën kurrizore dhe për pasojë humbi jetën në spital.
Në momentin e vrasjes ai ka qenë i shoqëruar nga bashkëshortja dhe vëllai i tij të cilët kanë parë të gjithë ngjarjen.
Në dëshminë e saj, gruaja ka deklaruar se thjesht ka parë bashkëshortin e saj që është shembur në tokë, duke konfirmuar se është qëlluar me silenciator.
Ndërkohë janë sekuestruar kamerat e sigurisë të bizneseve dhe banesave përreth që mund të ndihmojnë në zbardhjen e ngjarjes dhe kapjen e autorit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
