Reshjet e dendura të shiut në Qarkun e Gjirokastrës kanë shkaktuar rritjen e nivelit të lumit Vjosa, veçanërisht në zonën e Novoselës.
Autoritetet lokale janë në komunikim të vazhdueshëm me Prefekten e Qarkut Gjirokastër për të ndjekur nga afër situatën dhe për të vlerësuar çdo rrezik të mundshëm.
Sipas të dhënave zyrtare, niveli i lumit Vjosa në Urën e Mifolit ka arritur kuotën 6.8 metra mbi nivelin e detit.
Strukturat përgjegjëse ndodhen në gatishmëri të plotë dhe po monitorojnë në mënyrë të pandërprerë zhvillimet e situatës, si edhe parashikimet e motit për orët dhe ditët në vijim.
Të gjitha strukturat qendrore dhe vendore në nivel qarku janë angazhuar për të garantuar sigurinë e banorëve dhe për të ndërhyrë menjëherë në rast të përkeqësimit të situatës.
Autoritetet u bëjnë thirrje qytetarëve të ndjekin njoftimet zyrtare dhe të tregojnë kujdes të shtuar, veçanërisht në zonat pranë lumit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
