Një 59-vjeçar me inicialet K.G., u prangos nga policia në Fier pasi gjatë kontrollit fizik u kap me heroinë.
Ndërkaq u referuan në Prokurori materialet për drejtuesen e mjetit B. S., 46 vjeçe, banuese në Ballsh, pasi aksidentoi shtetasen V. Xh., 57 vjeçe.
Specialistët e Seksionit për Hetimin e Narkotikëve të DVP Fier arrestuan në flagrancë shtetasin K. G., 59 vjeç, banues në Fier, pasi gjatë kontrollit fizik të ushtruar ndaj tij, shërbimet e Policisë gjetën dhe sekuestruan doza me lëndë të dyshuar narkotike heroinë. Specialistët e Sektorit të Qarkullimit Rrugor të DVP Fier referuan materialet në Prokurori, pasi ditën e djeshme, në lagjen "1 Maji", Fier, automjeti tip "Benz", me drejtuese shtetasen B. S., 46 vjeçe, banuese në Ballsh, ka aksidentuar shtetasen V. Xh., 57 vjeçe (këmbësore), banuese në Fier, e cila ndodhet në spital, jashtë rrezikut për jetën. Materialet i kaluan Prokurorisë, për veprime të mëtejshme procedurale”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
