Aksident në aksin Berat–Lushnje, automjeti përfundon në kanal, çifti i bashkëshortëve plagoset rëndë

Dy persona kanë mbetur të plagosur rëndë pasi automjeti me të cilin udhëtonin në aksin Lushnje-Berat ka dalë nga rruga dhe ka përfunduar në kanal.

Ngjarja ka ndodhur rreth orës 10:00 të së dielës, pranë fshatit Çukas.

 Sipas informacioneve paraprake, në automjet udhëtonte një çift bashkëshortësh, Bilbil dhe Xhevahire Nure.

Dyshohet se shkak i aksidentit ka qenë një defekt në sistemin e drejtimit të mjetit, konkretisht bllokimi i timonit, çka ka bërë që drejtuesi të humbasë kontrollin e automjetit.

Të plagosurit janë transportuar me urgjencë në spitalin e Lushnjës, ku kanë marrë ndihmën e parë mjekësore, dhe më pas janë nisur drejt Tiranës për trajtim të specializuar.

Policia ka mbërritur në vendngjarje dhe po punon për zbardhjen e plotë të shkaqeve të aksidentit.