Një 41-vjeçar është arrestuar nga Policia e Durrësit, pasi dyshohet se ka ushtruar dhunë fizike ndaj djalit të tij. Sipas informacioneve të policisë, në pranga është vënë shtetasi S. F., pas kallëzimit të bërë ndaj djali i tij.
“Specialistët për Hetimin e Krimit në DVP Durrës arrestuan në flagrancë shtetasin S. F., 41 vjeç, banues në Durrës, pasi ka ushtruar dhunë fizike ndaj djalit të tij”, thuhet në njoftimin e policisë.
Po ashtu, policia e qytetit bregdetar bën të ditur se arrestoi në flagrancë për veprën penale “Drejtimi i automjeteve në mënyrë të parregullt”, shtetasit S.B., 47 vjeç dhe E.T., 25 vjeç, pasi janë kapur nga shërbimet e Policisë, duke drejtuar automjetet përkatëse, në gjendje të dehur.
Materialet në ngarkim të tyre i kaluan Prokurorisë, për veprime të mëtejshme hetimore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
