Ndryshime në polici/ Zbardhen emrat e dy shefave të rinj të komisariateve në Tiranë

Policia e Shtetit, ka njoftuar për ndryshimet të reja brenda radhëve të saj, përkatësisht në dy nga komisariatet e kryeqytetit.

 Drejtori i Përgjithshëm Muhamet Rrumbullaku ka firmosur të tjera ndryshime në strukturat e policisë. Petrit Halo, i cili deri tani drejtonte Komisariatin nr 4 në Tiranë, ka kaluar në krye të Komisariatit nr 1.

 Këtë të fundit deri para një muaji e drejtonte Bujar Mehmeti. Mehmeti u pezullua në sajë të hetimeve për ndërtimet pa leje që u evidentuan kryesisht në zonën e liqenit.

 Mehmeti është transferuar në Drejtori të Përgjithshme konkretisht në Drejtorinë e Standardeve, aty ku ishte përpara se të bëhej Shef Komisariati.

 Ndërkohë në krye të Komisariatit nr 4 është vendosur Luan Hyseni.