Një konflikt pronësie ka sjellë plagosjen e një personi mëngjesin e sotëm në Fier. Ngjarja ka ndodhur rreth orës 09:00, në fshatin Vreshtas, Fier, ku shtetasi Haredin Nazëraj, 66 vjeç, pas një konflikti për motive të dobëta, ka plagosur me armë gjahu shtetasin Klement Nazëraj, 37 vjeç.
Menjëherë pas ngjarjes i plagosuri është dërguar në spital ku po merr ndihmën e nevojshme mjekësore, ndërsa shërbimet e Policisë, bënë të mundur kapjen e autorit të dyshuar dhe shoqërimin e tij në Komisariat.
Policia ka sekuestruar gjithashtu në cilësinë e provës materiale armën e gjahut. Dyshohet se dy të afërmit janë konfliktuar për të mbjellat dhe më pas sherri ka degjeneruar dhe 66-vjeçari ka marrë armën duke e qëlluar kushëririn e tij.
Në vijim të veprimeve hetimore, specialistët për Hetimin e Krimeve në Komisariatin e Policisë Fier bënë arrestimin në flagrancë të shtetasit Haredin Nazëraj, për veprën penale “Plagosja e rëndë me dashje”.
Materialet do i kalojnë Prokurorisë Fier, për veprime të mëtejshme procedurale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
