Një aksident i rëndë është ka ndodhur paraditen e kësaj të hëne pranë zonës së Shallvareve në kryeqytet.
Një autobus urban i linjës së Unazës është përplasur me disa automjete që kanë qenë në trafik, në Urën e Tajvanit.
Gjashtë persona kanë mbetur të plagosur, dy prej të cilëve ndodhen në gjendje të rëndë në Spitalin e Traumës.
Mes të plagosurve është shoferi i autobusit dhe dy persona që ishin pasagjerë në një makinë. Në aksidentin e shumëfishtë janë përfshirë 10 automjete.
Gazetari Arsen Rusta raporton se automjeti “Mercedez Benz” ka pasur një frenim, ku autobusi e ka goditur nga pjesa e prapme dhe të gjitha mjetet e tjera janë përplasur me njëra-tjetrën në pjesë anësore.
Policia ka hyrë brenda autobusit të dëmtuar, ku pjesa e përparme është tërësisht e shkatërruar.
Aksidenti ka shkaktuar bllokim të qarkullimit në këtë zonë.
Në njoftimin paraprak thuhet:
Më datë 27.02.2023, rreth orës 11:35, në vendin e quajtur Ura e Tajvanit, një autobus i linjës së Unazës është përplasur me disa automjete. Si pasojë janë dëmtuar 3 shtetas të cilët ndodhen nën kujdesin e mjekëve. Në vendngjarje ndodhen shërbimet e ambulancës me stafin mjekësor dhe shërbimet e Policisë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
