I akuzuar për tentativë vrasje në Berat, ekstradohet nga Spanja

Një person i akuzuar për tentativë vrasje në Berat, është ekstraduar nga Spanja drejt vendit tonë.

Si rezultat i bashkëpunimit mes Interpol Tiranës dhe homologëve të Interpol Madridit, u finalizua, në kuadër të operacionit “The Wanted”, procedura për ekstradimin nga Spanja në Shqipëri të shtetasit shqiptar të shpallur në kërkim ndërkombëtar, Ermal Gora, 46 vjeç, banues në Tiranë.

Ndaj tij, Gjykata e Shkallës së Parë Berat ka caktuar masën e sigurisë “Arrest në burg”, për veprat penale “Sigurimi i kushteve dhe i mjeteve materiale për të kryer vrasje” dhe “Mbajtja pa leje dhe prodhimi i armëve, armëve shpërthyese dhe i municionit”, kryer në bashkëpunim.

46-vjeçari dyshohet se, në maj të vitit 2023, në bashkëpunim me tre persona të tjerë, kanë tentuar të vrisnin 1 shtetas.

Ngjarja kriminale u parandalua si rezultat i ndërhyrjes së Policisë së Beratit, në kuadër të operacionit “Objektivi”.