Shpërdoruan detyrën/ Gjykata e Lezhës lë në burg drejtorin e IMT në Kurbin, vendos dhe për inspektorët

Gjykata e Lezhës ka ekzekutuar masat e sigurisë për veprën penale “Shpërdorimi i detyrës” për drejtorin e IMT në Kurbin dhe inspektorët.

Sektori për Hetimin e Krimeve Ekonomiko-Financiare në DVP Lezhë në bashkëpunim me Komisariatin e Policisë Kurbin, nën drejtimin e prokurorit të çështjes ka ekzekutuar 5 masa sigurie të caktuara nga Gjykata e Lezhës, për veprën penale “Shpërdorimi i detyrës”, si më poshtë:

-masën e sigurisë “Arrest në burg”, për Jetmir Mzhika 35 vjeç, banues në Fushë Mamurras, me detyrë drejtor i IMT, bashkia Kurbin;

-masën e sigurisë “Arrest në shtëpi”, për Flori Gjini 40 vjeç, banues në Lezhë, ish-kryeinspektor i IKMT Lezhë;

-masën e sigurisë “Pezullimi i ushtrimit të një detyre a shërbimi publik”, për Rivelioni Ismalaj 38 vjeç, banues në Milot, me detyrë inspektor i IMT, bashkia Kurbin; Shan Preçi, 57 vjeç, banues në Milot, me detyrë inspektor i IMT, bashkia Kurbin; Artur Përdoda, 41 vjeç, banues në Milot, me detyrë inspektor i IMT, bashkia Kurbin.

Gjykata ka caktuar masat e sigurimit personal në kuadër të një hetimi të kryer nga  Prokuroria e Lezhës, për ndërtimin e paligjshëm të një objekti, në Patok,

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.