Një 35-vjeçar nga Vora është vënë në pranga pasi ka vjedhur një sasi të konsiderueshme nafte nga një eskavator në një kantier ndërtimi.
Burime policore bëjnë me dije se 35-vjeçari J. S., u arrestua me finalizimin e operacionit “Fuel”, të organizuar nga shërbimet e Komisariatit të Policisë Vorë.
Nga verifikimet e kryera ka rezultuar se ai ka vjedhur rreth 172 litra karburant, nga ekskavatori i një firme ndërtimi dhe më pas ia ka shitur 31-vjeçarit P. K., i cili ishte në dijeni që karburanti që kishte blerë, ishte i vjedhur.
Në pranga u vu edhe blerësi për veprën penale “Përvetësimi i parave ose mallrave që rrjedhin nga vepra penale ose veprimtaria kriminale”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
