Krerët e shtetit dhe politikës homazhe në Pallatin e Kongreseve/ Përcillet për në banesën e fundit ish-kryeministri Fatos Nano

Pas përfundimit të homazheve publike, arkëmorti me trupin e ish-kryeministrit Fatos Nano është nisur drejt banesës së fundit.

Ceremoniali shtetëror nisi në ambientet e Pallatit të Kongreseve rreth orës 08:30 të kësaj të diele, ku qytetarë, përfaqësues të institucioneve dhe personalitete të jetës publike i dhanë lamtumirën e fundit një prej figurave më të rëndësishme të politikës shqiptare të pas viteve ’90.

Në përfundim të homazheve, me nderime shtetërore, trupi i Fatos Nanos u nis nga Pallati i Kongreseve drejt varrezave të Sharës, ku do të prehet përgjithmonë.
Arkëmorti përshkoi bulevardin “Dëshmorët e Kombit” në një shenjw nderimi, përpara se të mbërrinte në destinacionin e fundit.

Familja e të ndjerit ka kërkuar që shërbesa fetare ortodokse për Fatos Nanon të kryhet në privatësi, në banesën familjare.