Dy persona kanë humbur jetën në një aksident të rëndë të ndodhur në fshatin Burra të Krujë pasditen e sotme.
Nga informacionet paraprake të policisë mësohet një makinë ka humbur kontrollin dhe pasi ka dalë nga rruga është përmbysur.
Viktimat mësohet se janë drejtuesi i mjetit I.Malja, i cili mendohet se ka pasur probleme shëndetësore dhe pasagjerja L.Malja. Po ashtu i plagosur ka mbetur edhe një fëmijë, i cili ishte në furgon.
"Më datë 24.11.2018, në fshatin Bura-Nikël, ka dalë nga rruga një mjet tip Benz furgon dhe për pasojë kanë ndërruar jetë shtetasit I.M.(shoferi i mjetit) dhe L.M. (pasagjere)dhe është dëmtuar një fëmijë rreth 10 vjeç, i cili ndodhet në spitalin e Traumës Tiranë nën kujdesin e mjekëve", sqaroi policia në njoftimin zyrtar.
Policia ka shkuar në vendin e ngjarjes dhe po punon për zbardhjen e rrethanave të aksidentit tragjik, që i mori jetën dy personave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
