8 gushti i vitit 1991 do të mbahet mend gjatë në memorien e çdo shqiptari.
Ishte dita kur anija “Vlora” e cila u nis nga Durrësi me rreth 20 mijë shqiptarë në bord mes tyre gra dhe fëmijë, u shfaq në portin e Barit.
Të ngrysur nga jeta e vështirë dhe diktatura e egër komuniste ata pavarësisht rrezikut shikonin shpresën e munguar dhe një të ardhme më të mirë në brigjet e Italisë.
Më 7 gusht 1991, Anija Vlora sapo ishte kthyer nga Kuba, me një ngarkesë kallam sheqeri. Sapo mbërriti në Shqipëri ajo u mbush nga mijëra shqiptarë, që kërkuan të shkonin drejt Italisë. Destinacioni i parë ishte qyteti i Brindisit, e më pas u drejtua drejt Barit.
Ky episod do mbahet mend gjatë por sigurisht nuk ishte i vetmi pasi eksodi i shqiptarëve drejt Italisë vijoi dhe vite më pas duke u shtrirë në gjithë Evropën dhe përtej kontinentit të vjetër gjithmonë në kërkim të një jete më të mirë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
