Një fëmijë 5 vjeç ka mbetur i plagosur rëndë pasi është goditur nga një tjetër i mitur i cili lëvizte me biçikletë.
Ngjarja ka ndodhur pasditen e kësaj hëne rreth orës 16:40, ku në Spitalin e Korçës, ka mbërritur për mjekim një i mitur 5-vjeçar, banues në fshatin Sovjan, Maliq.
Burime policore bëjnë me dije se ai duke luajtur në fshat, është goditur aksidentalisht nga një i mitur tjetër me biçikletë.
Për pasojë 5-vjeçari ka marrë dëmtime në kokë dhe pas mjekimit të marrë në Spitalin e Korçës u transportua në Tiranë, për mjekim më të specializuar.
Grupi hetimor po punon për sqarimin e rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
