Policia Kufitare e Rinasit njofton se ka proceduar penalisht një shtetase kineze, 45 vjeçe, pasi tentoi të dalë nga Republika e Shqipërisë me 61 755 euro dhe 10 000 dollarë amerikanë, pa i deklaruar sipas kërkesave ligjore.
Si rezultat i kontrolleve të imtësishme në hyrje dhe dalje të vendit, me qëllim parandalimin dhe konstatimin e paligjshmërive në kufi, shërbimet e Policisë Kufitare të Rinasit, në bashkëpunim me shërbimet doganore, kanë konstatuar një tjetër rast të mosdeklarimit të shumave të konsiderueshme të parave në pikën e kalimit kufitar.
Për këtë rast, materialet iu referuan Prokurorisë, ku nisi procedimi penal në gjendje të lirë ndaj shtetases A. W., 45 vjeçe, me shtetësi kineze.
Gjatë kontrollit në vijën e dytë, asaj iu gjetën 61 755 euro dhe 10 000 dollarë amerikanë, të cilat synonte t’i nxirrte nga territori i Republikës së Shqipërisë pa i deklaruar, në kundërshtim me ligjin.
Materialet procedurale i janë referuar Prokurorisë së Tiranës për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
