Policia e Durrësit ka vënë në pranga një 47 vjeçar që qarkullonte me armë zjarri me vete, pas një ndjekje spektakolare për plot 5 kilometra në autostradën Tiranë-Durrës.
Mësohet se është arrestuar shtetasit me inicialet A.B., 47-vjeç, banues në Golem, Kavajë, i cili nuk i është bindur urdhrit për të ndaluar.
47-vjeçari sapo është sinjalizuar nga policia për t’u ndaluar, është nisur me shpejtësi me mjetin tip “Audi”, ndërsa është bllokuar vetëm pak minuta më pas nga policia tek mbikalimi i Shkozetit.
Sipas pas policisë, gjatë kontrollit të ushtruar u konstatua se në sediljen e pasme ndodhej një çantë krahu brenda së ciles ndodhej një pistoletë e tip “TT” dhe një krehër me shtatë fishekë, të cilat u sekuestruan në cilësinë e provës materiale.
Materialet i kaluan Prokurorisë së Rrethit Gjyqësor Durrës, për veprat penale: “Mosbindja ndaj urdhërit të punonjësit të policisë” dhe “Armëmbajtje pa leje”, për të cilën parashikohet dënimi me burg deri në 7 vjet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
