Sipas të dhënave nga Qendra Kombëtare Operacionale e Emergjencave Civile, deri pasditen e sotme në të gjithë territorin e vendit janë identifikuar 20 vatra zjarri.
Nga këto është arritur të izolohet vatra e zjarrit në vendin e quajtur Guri i Nënshtegut në afërsi të fshatit Theth.
Pas thuajse 6 orësh, vatra e zjarrit është izoluar dhe nuk paraqet rrezik në përhapjen e saj. Janë djegur rreth 4 dynym sipërfaqe pyjore me pish dhe ah.
Në këtë operacion për shuarjen e zjarrit janë angazhuar:
- 17 punonjës dhe banorë të Njësisë Administrative Shalë
- 1 mjet dhe 4 zjarrfikës të repartit të Shkodrës
- 11 punonjës nga Administrata e Zonave të Mbrojtura
- 22 efektivë të Policisë Shkodër dhe repartit të FNSH
- 30 efektivë të Forcave të Armatosura të Ushtrisë
Situata është monitoruar nga strukturat e emergjencave civile në Bashkinë Shkodër, në koordinim me komitetin e emergjencave civile të Prefekturës Shkodër me Agjensinë Kombëtare të Mbrojtjes Civile.
Strukturat në terren do të jenë në gatishmëri edhe gjatë orëve në vijim me qëllim që të mos ketë përhapje të vatrës së zjarrit gjatë orëve të natës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
