Një 25-vjeçar është marrë peng për dy orë nga tre persona në Fier.
Burimet zyrtare bëjnë me dije se i riu i identifikuar me inicialet A.R nga Fieri është marrë peng për dy orë dhe është dhunuar fizikisht nga Erjon Agalliu 42-vjeç, Arben Bleta 54-vjeç dhe një person i tretë i identifikuar me inicialet B.A 40-vjeç.
“Me marrjen e njoftimit, shërbimet e Komisariatit të Policisë Fier kanë bërë të mundur identifikimin, lokalizimin, kapjen dhe ndalimin e dy autorëve dhe po punojnë për kapjen e autorit të tretë.”, bënë me dije policia.
Materialet i kaluan Prokurorisë pranë Gjykatës së Shkallës së Parë Fier për veprat penale “Heqja e paligjshme e lirisë” e kryer në bashkëpunim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
